राज्यातील अंगणवाडी केंद्रांत पाळणाघरांना मंजूरी, अंगणवाडी सेविका आणि मदतनीस यांना मिळणार भत्ता

BySamaveshit Shikshan •October 15, 2024

मिशन शक्ती या केंद्र पुरस्कृत योजने अंतर्गत राज्यातील अंगणवाडी केंद्रांमध्ये पाळणा (Anganwadi Cum Creche) सुरू करण्यास मान्यता देण्यात आली आहे.

राज्यातील अंगणवाडी केंद्रांत पाळणाघरांना मंजूरी, अंगणवाडी सेविका आणि मदतनीस यांना मिळणार भत्ता

केंद्र शासनाने दिलेल्या मार्गदर्शक सूचनांनुसार मिशन शक्ती मधील "सामर्थ्य" या कार्यक्रमांतर्गत राज्यात पाळणा (Anganwadi cum creche) ही योजना सुरु करण्यात येणार आहे.

त्यानुषंगाने पाळणा (Anganwadi cum creche) या योजने अंतर्गत केंद्र शासनाने सद्यस्थितीत दिलेल्या मान्यतेनुसार राज्यात ३४५ पाळणा (Anganwadi cum creche) सुरू करण्यास मान्यता देण्यात आली आहे.

सदर पाळणा (Anganwadi cum creche) या योजने अंतर्गत प्रत्येक पाळणा करिता पाळणा सेविका व पाळणा मदतनीस यांचे प्रत्येकी १ पद निर्माण करण्यास मान्यता देण्यात येत असून, सदर पदांकरिता नियुक्तीच्या अटी शर्ती तसेच सदर पदे बाह्यस्त्रोताद्वारे अथवा प्रचलित पध्दतीनुसार भरण्याबाबत मार्गदर्शक सूचना यथावकाश निर्गमित करण्यात येतील. असे शासन निर्णयात नमूद आहे.

असा आहे महाराष्ट्र विधानसभा निवडणुकीचा कार्यक्रम

केंद्र शासनाने दिलेल्या निर्देशानुसार पाळणाघरांसाठी आवश्यक साहित्य, पूर्वशालेय शिक्षण घटक संच, अतिरिक्त पूरक पोषण आहार, पाळणा भाडे, औषधी संच, खेळाचे साहित्य, संबंधित अंगणवाडी सेविका व अंगणवाडी मदतनीस यांना भत्ता तसेच पाळणा सेविका व पाळणा मदतनीस यांचे मानधन याकरिता खालीलप्रमाणे मासिक / वार्षिक खर्च अनुज्ञेय करण्यात आले आहे.